ئــــازیــز! دیـــــاره ن واده ی لـــــوامـــــــه ن
ئــــه ڵـــوه دای ئـــاخــر ئـــه وه نـامـامـه ن
ده و ڵــه تــه کـه ی وه صـڵ پا نـه زه واڵـه ن
جــارێـو تــه ر دیـده ن بــاڵات مــه حـاڵــه ن
ســـا دڵـــم وه ش کـــه ر وه ئــێـــلـتــێــفـاتــێ
بــــدیـــه وه لاوه بــویــنـــووت ســــــاتــــێ
بـــا بــه یــۆ شــنۆی شـــیریــن ڕازه کـــه ت
گـــۆش ده رۆ لادێ مه یـنه ت گــازه کـه ت
ئــــاخر سه فـــه ره ن ڕا خــه یـلی دووره ن
مـــه نـزڵ بێ پـایـان تــۆشـــه زه رووره ن
دیـــنـت تــۆشـــه ی چه م مه یلت تۆشه ی دڵ
ڕازت تــۆشـه ی گـۆش مــه نزڵ وه مه نزڵ
کـێ زانــۆ چـــۆن بـــۆ ئـــه ی دنــیای فــانـی
بـــا بـبۆ نـــه بــــه یـــن گــــه ردن ئــازادی
مـــن شــه وێ نــالـــه م جـــۆش ئـاوه رده بـۆ
ســه گـی ئـاسـانـه ت بـێـدار کـــه رده بـۆ
یـــا نــاسـته بـــۆ ســه یــل دیــده م نه فـه سێ
نـه سـیم گـه رد پـات به رۆ په ی که سێ
جـــه مـیـنت زه حـمــه ت نــیگــــام کـــێشا بۆ
کــــه ف پــات وه خار دیــــده م ئـــێشا بـۆ
یــــا کـــه رده بــــۆ دڵ دێـــوانـه ی دڵ ته نـگ
وه خت نـیشـانـه ی دڵان په ی خه ده نگ
پــه لــه پـه ل په ی زه وق زامــێ وه تــیـرت
ئـــازار دا بــۆ تـــــای زوڵـــف زه نـجــیـــرت
یــــا خــۆ تـــۆ دابۆت وه دڵ مه زه ی مه رگ
تـــیر خـــه ده نـگــت دا بۆ نه توی جـه رگ
یــــا مــه رده بـــۆت دڵ دێــــوانـــه ی دڵـــگیر
جـــه تــیر ئــه نـدازی که رده بۆت ته قصیر
یـــا نــــه دابــــوت تـــــۆز گـــه رد پـــاڵاکه ت
په رێ سۆرمه ی چه م سفته ی باڵاکه ت
تـــۆ بـــویـــه ر جــه مــن، مـــن زوو ویه ردم
هـیممه ت بــۆ ها ژار مه حروومیت وه ردم
چه پگه رد په ی دووریت شانا مـۆره ی نه رد
وه ظاهـر (بــانــه) ش وه بـه هـانـه کـه رد
تـــا فـــه ڵــــه ک پــه یـمـان نــه بــه هـــانه بـۆ
ئـــه ر صـــه د بــانــه بـــۆ باز شــۆکرانه بۆ
ئــه ر فــــــرصه تــش دا پـه ی دڵ خه مـینـــت
عـــۆمــرێ دووبــاره ن جــارێــۆ تـه ر دینت
وه ر نــاسـتـش ئـــازیـــز تـــۆ وه سـڵامــه ت
دیــده ن دیـــدار کــه وت ئــه و قــیامـه ت
"مهولانا مهولهوی تاوه گؤزی"
منبع:
عضويت / ورود |